அமெரிக்க முன்னாள் ஜனாதிபதி டொனால்ட் ட்ரம்ப் ஈரானுக்கு எதிராக எடுத்த நடவடிக்கைகள் மற்றும் உலக எரிபொருள் விநியோகத்தில் ஏற்பட்ட தாக்கம் போன்ற சூழ்நிலைகளுக்கு மத்தியில், அவுஸ்திரேலியா தனது 2026 கூட்டாட்சி வரவுசெலவுத் திட்டத்தை அறிவித்துள்ளது.இந்த பட்ஜெட்டில் நடுத்தர மற்றும் குறைந்த வருமானம் பெறுவோருக்கு வரிச்சலுகைகள் வழங்கப்படுகின்றன. 2027–28 ஆம் ஆண்டில் சுமார் 1.25 கோடி மக்களுக்கு 250 டாலர் வரிச்சலுகை வழங்கப்படவுள்ளதுடன், வருமான வரி விகிதங்களில் வரிக்குறைப்புகளும் அறிவிக்கப்பட்டுள்ளன. முதல் முறையாக வீடு வாங்குவோருக்கு வாய்ப்புகள் அதிகரிக்கும் என எதிர்பார்க்கப்படுகிறது.அதே நேரத்தில், சில துறைகளில் செலவுக் குறைப்புகள் மற்றும் வேலை இழப்புகள் ஏற்படலாம் எனவும் எச்சரிக்கை விடுக்கப்பட்டுள்ளது. அறிவியல், விண்வெளி மற்றும் தொழில்நுட்பத் துறைகளுக்கு கூடுதல் நிதி ஒதுக்கப்பட்டுள்ள நிலையில், சுற்றுச்சூழல் பாதுகாப்பு மற்றும் குடியேற்றக் கொள்கைகளில் புதிய கட்டுப்பாடுகளும் இடம்பெற்றுள்ளன.பட்ஜெட்டின் மொத்த விளைவாக சமூகத்தின் பல்வேறு தரப்பினருக்கு மாறுபட்ட தாக்கங்கள் ஏற்படும் என பொருளாதார நிபுணர்கள் கருத்து தெரிவித்துள்ளனர்.
