பிரித்தானியாவில் நேற்று புதன்கிழமை முதல் சார்லஸ் மன்னரின் உருவம் பொறித்த பணத்தாள் வெளிவரத் தொடங்கியுள்ளன. அவரது தாயார் எலிசபெத் இராணியின் முகத்தால் அலங்கரிக்கப்பட்ட முந்தைய ரூபாய் நோட்டுகளை படிப்படியாக மாற்றுவார்கள். அதுவரை அத்தாள்கள் புழக்கத்தில் இருக்கும்.இப்புதிய மணந்தாள்களில் மறைந்த இராணியின் படத்திற்குப் பதிலாக மன்னரின் படம் மாறியிருக்கும்.
இராணி இரண்டாம் எலிசபெத் மறைந்த பின் மன்னராகப் பதவியேற்ற ஏறக்குறைய இரண்டு ஆண்டுகளுக்குப் பின்னர் சார்லஸ் மன்னரின் உருவப்படம் கொண்ட மணந்தாள் இன்று புதன்கிழமை பிரித்தானியாவில் புழக்கத்திற்கு வந்தன. மன்னர் சார்லஸின் படம் புதிய £5, £10, £20 மற்றும் £50 பணத்தாள்களில் வெளிவந்துள்ளன. இரண்டாம் எலிசபெத் இறந்த சில மாதங்களுக்குப் பிறகு, ராஜாவின் உருவப்படத்துடன் கூடிய நாணயங்கள் டிசம்பர் 2022 இல் புழக்கத்திற்கு வந்தன. இங்கிலாந்தில் உள்ள நாணயங்களில் 1,000 ஆண்டுகளுக்கும் மேலாக இராஜாக்கள் மற்றும் இராணிகளின் படங்கள் இருந்தபோதிலும் பிரிட்டிஷ் ரூபாய் நோட்டுகளில் இடம்பெற்ற முதல் நபர் இராணி எலிசபெத் ஆவார்.
மன்னர் சார்லஸின் பணத்தாள்களை வெளியிடுவதில் நாங்கள் மிகவும் மகிழ்ச்சியடைகிறோம். இது ஒரு வரலாற்று தருணம். இது முதல் முறையாக எங்கள் நோட்டுகளில் இறையாண்மையை மாற்றியுள்ளோம் என்று பாங்க் ஆஃப் இங்கிலாந்து கவர்னர் ஆண்ட்ரூ பெய்லி புதன்கிழமை தெரிவித்தார்.