நானுஓயா நிருபர் செ.திவாகரன்
நுவரெலியாவில் வரலாற்றுச் சிறப்பு மிக்க சீதாஎலிய சீதை அம்மன் ஆலயத்தின் மஹா கும்பாபிஷேகப் பெருவிழா எதிர்வரும் (19) ஞாயிற்றுக்கிழமை, ராமபிரானின் அருளுடனும் சீதாபிராட்டியின் ஆசியுடனும் நடைபெற திருவருள் பாலித்துள்ளது. மேலும் நாளை (18) சனிக்கிழமை எண்ணெய்க்காப்பு இடம்பெறவுள்ளது.
சீதாஎலிய சீதை அம்மன் ஆலய மகா கும்பாபிஷேக தினத்தை முன்னிட்டு முதலாவது நாளாக இன்று (17) வெள்ளிக்கிழமை விநாயகர் வழிபாடுடன் புண்ணிய வாசகம் லட்சுமி நாராயண ஹோமம் நவக்கிரக ஹோமம் கிராம சாந்தி பிரவேசப்பலி சூரிய சந்திர அக்னி சங்கிரனம் மற்றும் புதிய மூர்த்தி அதினசாதி பூஜைகள் சிறப்பாக நடைபெற்று புதிய சிலைகளுக்கு தீர்த்த உற்சவம் நடைபெற்று பக்தர்கள் அனைவருக்கும் விபூதி பிரசாதம் வழங்கப்பட்டது. பூஜைகளில் ஆலய பரிபாலன சபையினர் மற்றும் பொதுமக்கள் பக்தர்கள் வருகை தந்திருந்தமை குறிப்பிடத்தக்கது .
எனவே பக்தர்கள் அனைவரும் கும்பாபிஷேகப் பெருவிழாவில் கலந்து கொண்டு அருள் பெறுமாறு வேண்டப்படுகின்றார்கள்.
