இலங்கை மத்திய வங்கியினால் தடைசெய்யப்பட்ட பயிர்ச்செய்கைகளுக்காக, சட்டவிரோதமான முறையில் பண முதலீடுகளைப் பெற்றுக்கொள்ளும் மோசடிகள் குறித்து ஆசிய மனித உரிமைகள் ஆணைக்குழுவினால் விசேட ஊடகவியலாளர் சந்திப்பொன்று இன்றைய தினம் கொழும்பில் நடத்தப்பட்டது.
இதன்போது, ஆசிய மனித உரிமைகள் பேரவையின் தலைவர் திமுத்து பாலசூரிய கருத்துத் தெரிவிக்கையில்:
> “இந்தச் சட்டவிரோத பயிர்ச்செய்கைகள் பற்றிய உண்மைகளை வெளிச்சத்திற்குக் கொண்டு வந்த எம்மீது, சம்பந்தப்பட்ட நிறுவனங்களின் பிரதிநிதிகள் சேறு பூசி வருவதுடன், எமக்குக் கொலை அச்சுறுத்தல்களையும் விடுத்து வருகின்றனர்.
> நாம் அவர்களிடம் கேட்கும் கேள்வி இதுதான்; 10 இலட்சம் ரூபாய் முதலீடு செய்யும் ஒருவருக்கு, மாதமொன்றுக்கு 33,000 ரூபாய் வீதம் வட்டி வழங்குவதாகக் கூறுகிறார்கள். அவ்வாறு இவ்வளவு பெரிய தொகையை எப்படி வழங்க முடியும்? இவர்கள் முற்றிலும் ஒரு பொய்யான மோசடியையே செய்து வருகிறார்கள். ஒரு கொய்யா மரத்தில் இருந்து 45 கிலோகிராம் பழங்களை அறுவடை செய்ய முடியும் எனக் கூறுகிறார்கள். அவ்வாறு அறுவடை செய்யக்கூடிய ஒரேயொரு மரத்தையாவது எமக்குக் காட்டுமாறு நாம் அவர்களுக்கு சவால் விடுக்கிறோம்.
> அரசாங்கத்தின் உயர் அதிகாரி ஒருவரைத் தங்களது பிடிக்குள் வைத்துக்கொண்டே இவர்கள் இந்த மோசடிகளைச் செய்கிறார்கள். அந்த அதிகாரி, தான் ஜனாதிபதியின் பாதுகாப்புப் பிரிவில் இருந்தவர் எனக் கூறிக்கொண்டு, ஜனாதிபதி அநுர குமாரவின் பெயரைப் பயன்படுத்தி மோசடி செய்து வருகிறார்.
> நான் இந்த அரசாங்கத்திற்கு வாக்களித்த ஒருவன். தற்போதைய அரசாங்கம் தற்போது திருடர்களைப் பிடித்து சட்டத்தின் முன் நிறுத்தி வருகிறது. நாம் ஜனாதிபதி அவர்களை நேசிக்கிறோம். எனவே, இந்தச் சட்டவிரோத பயிர்ச்செய்கை முதலீட்டு மோசடிகளை உடனடியாக நிறுத்துமாறு அரசாங்கத்திடம் கேட்டுக்கொள்கிறோம்.” எனத் தெரிவித்தார்.