தமிழர் திருநாளாம் தைப் பொங்கல் விழா மாநிலம் முழுவதும் கோலாகலமாக கொண்டாடப்பட்டு வருகிறது. தை முதல் நாளான இன்று பொங்கல் பண்டிகையை உலகம் முழுவதும் உள்ள தமிழர்கள் கொண்டாடி வருகின்றனர்.
அந்த வகையில், தூத்துக்குடி மாவட்டம், கோவில்பட்டியில் பொங்கல் பண்டிகையை முன்னிட்டு, அதிகாலையிலேயே எழுந்து புதுக் கோலமிட்ட பெண்கள், குத்து விளக்கு ஏற்றி பொங்கல் வைத்தனர். சூரிய உதயத்திற்கு முன்பாக பொங்கி வந்த பொங்கலை குலவை போட்டு பெண்கள் வரவேற்றனர். தொடர்ந்து பச்சரிசி பொங்கல், காய்கறிகள், மஞ்சள் கிழங்கு, கரும்பு உள்ளிட்டவற்றை சூரிய பகவானுக்கு படையலிட்டு விவசாயம் செழிக்கவும், உலக நன்மைக்காகவும் பிரார்த்தனை செய்தனர்.